Am Samsdaach wüürd gebaad. Su woä dat jorelang Usus en de Famillije. Owä bär hat dann üwehaupt e Badezimmä gehad? Odä, bo on bii hät me sesch gewäscht? Wat dii Löit fröä hadden woä en Wäschdösch off dem en Pozelanschössel on en Wassäkann, Sääf on e Handooch geleje hät. E schdöggelsche Sääf dii en de Bläschbügs geleje on e bessje good geroche hät, hat och net jedä. Oft woret Kärnsääf bomet me alles souwä gekrischt hät. Maisdens hat dä Dösch och noch en Schbejel an de Röcksait, wail me sesch jo an demm Waschdösch och gekämmt hät.

On dat ganze hät, wänn Platz woä, em Schloofzimmä fonn de Ällere geschdanne. Fill Löiit hadden nonedemo dat bessje Platz. Miä Kinnä hadden oos fürem Frööschdöck en de Kösch am Schböölschdain „souwä“ gemacht, on de Zänn gebotzt, on säin dann en de Schuul gange. Am Waschbägge gowet och en Krane, wail me schonn en Hausanschluss hadden. Do koom owä nuä kaal Wasse raus. Met kaal Wassä hät me sesch, su good bii et ging, ömmä souwä gemacht. Warm Wassä hät me sesch doch ürscht ausem Wasseschöff holle könne wenn och de Hiird an woä. On dat gowet högsdens nuä em Wändä.

Esch wääs dat Samsdaachs nommendaachs aldemo de Köschdüä abgeschlosse woä, dann hät mäine Faddä odä mäin Moddä sesch am Schböölschdain gewäscht. Dä Welle sesch anneschdä souwä ze mache, on mo ze bade, hät sesch wäidä äntwigelt. En ainije Schule säin em Källä fonn dänne Schule, Dusche gebout wuä.

En Glabbach on en Weis hadde me dii Mööschleschkait sesch füä fönnef Grosche onnesch en Dusch ze schdälle. Do woren fönnef odä seggs ainzelne Dusche newienannä, bo me sesch met warm Wassä dusche konnt. Met ner Täsch met frösche Klamodde, nem Schdöck Sääf, Handooch on Kamm, es me dohin schdolziirt on hat sesch de Hinnere gewäscht. Dat woä no em Kreesch, als en de Schule dii Klassezimmere met warm Wassä de Haizunge betriiwe hadden. Noem Kreesch säin dii nöije Höisä dii me gebout hät, schonn met nem Badezimmä geböut wure. Miä hadden oos noch kain Badezimmä laisde könne, on hann oos behollewe, dat me en de Wäschkösch gebaad hann. Do woä en Wäschkässel, öm met Foijä Wassä warm ze mache, en gemouerde Droch füä de Wäsch ze wäsche, on aus Holz en Wäschmaschin. En Mangel hät och noch do geschdanne. Dursch dat Foijä em Wäschkässel es et en de Wäschkösch och noch ainijermaase warm wure. En Zinkwann, dii baal jede Haushalt gehat, hät es of de Boden geschdallt wure. Bär su än net hat, konnt em Droch bade. Dat Fänsdä zomm Hoff hin es met Döjä zogehange wuä, dat me och fon jause net schnääse konnt, wämme sesch en demm Raum puddelnagesch bewääscht hät.

Et wuä dann hääs Wassä en dii Bütt geschutt, memm Schlauch kaal Wassä nolowe losse, bess et su woä dat me sesch rännläje konnt. Dat woä su e doll Gefööl of dat me nimmi fezischde wollt. Mäine Brodä on esch hadden em sällewe Wassä gebaad, on nuä nommo warm Wassä nogeschutt. E rischdesch Badezimmä woä äbbes, dat me och gäär gehat hädden. Oose Faddä woä Maurä, on esch hat Pladdeläjä geliirt. Zwösche oosem Haus on der Wäschkösch woä noch su en Schlepp. Dii woää gruus genooch füä e Badezimmä ränzebouwe, bat dann och passiirt es.

1966 hat esch ausgeliirt on konnt e Badezimmä plädde. Et woä genooch Platz füä en Badewann, on an en Dusch hät me domols subisu noch net gedaacht. Als alles färdesch woä, es et ürschdemo en demm nöije Zimmä gebaad wure. Me hät dä kupferfarwene Wasseböilä behaizt, öm warm Wassä ze kräije. Sumet es och dä Raum warm wuä. Wail dii Badezimmäwänn all noch kalt woren on dii Loft em Zimmä warm woä, fingen dii Wänn an ze schwetze. Dii woren batschnass, on dat Wassä es de Wänn ronnä gelowe, sudat me et Schwetzwassä offbotze musst. Jätz hadde me och e Badezimmä met demm me zeürscht mo zereescht komme mussden.